سماح أنورلـ عادل إمام: “بحبك أوي وليك فينا كتير”

08:00 ص


الخميس 18 مايو 2023

هنأت الفنانة سماح أنور، الزعيم عادل إمام بعيد ميلاده الـ 83 ، إذ أنه من مواليد 17 مايو.

وقالت سماح، من خلال تسجيل صوتي ببرنامج ET بالعربي: “الزعيم عادل إمام أنا متشكرة ليك جدا إنك اتولدت وأنا بحبك أوي زي كل الناس في كل الأجيال وكل الأعمار.. إنت ليك فينا كتير.. إنت جزء من أيامنا ومن طعمها الحلو الجميل النبيل”.

وأضافت: ” عادل إمام زعيم كبير زعيم بيعلمنا من غير ولا حرف منه بيعلمنا بشغله بس يعني إيه نجاح ويعني إيه إستمرارية ويعني إيه فنان لا يتكرر بشكل واقعي مش لقب وخلاص لأنه الأستاذ عادل إمام والفنان الوحيد في العالم اللي ظل متصدر 50 سنة فما فوق إنه نجم كبير نجم شباك ونجم جوايز ونجم إنسانية”.

النجم الكبير عادل إمام من مواليد 17 مايو 1940، ويحتفل بعيد ميلاده الـ 83 ويعتبر من أهم النجوم في تاريخ الفن العربي.

في السينما قدم الزعيم أعمالا خالدة منها: طيور الظلام، الإرهاب والكباب، خلي بالك من عقلك، المنسي، اللعب مع الكبار، الإرهابي، زهايمر، السفارة في العمارة، عريس من جهة أمنية، مرجان أحمد مرجان.

وفي المسرح قدم: مدرسة المشاغبين، شاهد مشافش حاجة، الزعيم، بودي جارد، الواد سيد الشغال، أنا وهو وهي.

كما قدم في التليفزيون أعمالا هامة من بينها: فرقة ناجي عطالله، أحلام الفتى الطائر، دموع في عيون وقحة، فلانتينو.