أعلن الفنان ياسر جلال عن تبرعه بمبلغ 3 مليون جنيه مصري لصالح صندق تحيا مصر ، مؤكدا ان هذا الدور هو واجب وطني على الجميع للوقوف بجانب بلادنا في الازمة التي تمر بها .
وتعد هذه هي المرة الاولى التي يعلن فيها ياسر جلال عن تبرعه ، وذكر أن سبب اعلانه عن امر تبرعه هو ان يتشارك المجتمع المصري بالنهوض بالدولة من هذه الازمة.
وقال ياسر جلال خلال حديثه : “المرة ديه بعلن عن الجهة والمبلغ اللي اتبرعت بيه لاني بتمني ان كلنا نشترك ونعمل اللي نقدر عليه وبدعي زملائي النجوم انهم يتبرعوا باللي يقدروا عليه انا عارف ان في منهم عمل الموضوع قبل كده بس لو عملوا ده تاني يبقي شئ عظيم”.
وأضاف : ” يعلم ربنا ان السبب اللي خلاني اعمل كده هو الأزمة اللي بتمر بيها مصر دلوقتي انا راجل لاغاوي شهرة ولا نجومية انا بشتغل وبخلص شغلي وبروح اقعد مع مراتي واولادي وبعمل ده لان كلنا شايفين ان البلد بيمر أزمة كبيرة والعالم كله بيمر بأزمة كبيرة وان شاء الله الأزمة تعدي لما كلنا نقف جنب بعض”،وحرص علي إنهاء حديثه بالدعاء لمصر .
من الجدير بالذكر أن آخر أعمال النجم ياسر جلال كان من خلال مسلسل الاختيار الجزء الثالث في رمضان الماضي بمشاركة النجوم احمد السقا و احمد عز وكريم عبدالعزيز وعدد كبير من نجوم الفن ، وحققت شخصية الرئيس المصري عبدالفتاح السيسي التي قدمها نجاحا هائلا.
