12:35 ص
الأربعاء 21 يونيو 2023
أعلن أحمد حسام ميدو تقدم الزمالك بشكوى في المجلس الأعلى للإعلام بسبب ما تردد حول توقيع أحمد فتوح لاعب الزمالك للأهلي.
قال ميدو في تصريحاته عبر برنامج الريمونتادا على قناة المحور: “لاعيبة الزمالك ابتدت تفهم أوسوريو، والناس اللي بتطلع أخبار عشان تهد نادي الزمالك ويقولك أصل أوسوريو هيمشي أصل مش عارف ايه، لا الزمالك مش وكالة من غير بواب”.
وأضاف: “أي حد هيقول كلام غلط عن نادي الزمالك وشائعات عن النادي هنقف قدامه وهنخش خناقات”.
وواصل: “أحد البرامج امبارح طالع بيقولك فتوح وقع للأهلي، ده اسمه كلام؟ ده كلام يتقال؟ واللي قاعد جنبه المسؤول الإعلامي عن منتخب مصر، منصبه لا يسمح له بالبقاء في الحديث عن لاعب منتخب مصر بهذه الشائعات، ده بدأ هو الحديث، فين اتحاد الكورة في الكلام ده؟”.
واختتم: “فتوح عقده مستمر لموسم آخر مع الزمالك، وقدمنا شكوى للمجلس الأعلى للإعلام ضد هذا البرنامج، والكلام اللي بتقوله ده يدين النادي الأهلي، اللي انت بتخدم على مصالحه”.
